Attaveqarfik Jørgen Chemnitz photojournalist
+299 539 120
mail@pr.gl
Postboks 846
Saqarliit 50
3900 Nuuk

Kalaallit Nunaanni nettimi ingerlatsivik nutaaq takkuppoq. Ingerlatsivik ateqarpoq pr.gl, tassaavorlu internettimi adressi pr.gl ingerlatsivik, suliffeqarfinnut kattuffinnullu quppernernik nittartakkanik pilersuisoq.

Pr.gl-ip sullissinerisa pingaarutillit ilagaat quppernerit nittartakkat nutaajutinnissaat ullutsinnullu naleqquttuutinnissaat. Quppernerit nittartakkat pioreersut amerlaqisut suujunnaartarput nutarterneqarneq ajoramik. Sullissivik manna aamma neqeroorutigineqarpoq kattuffinnut ingerlatsivinnullu nittartakkamik qupperneqareersunut.

Ingerlatsivik kattuffinnut suliffeqarfinnullu nunatsinneersunut nunanullu allaneersunut, nunami maani atuisartunut pimoorussilluni attaveqarusuttunut, saaffiginnippoq. Netti Kalaallit Nunaannut pilersinneqarsimasutullusooq ippoq, Kalaallit Nunaanni innuttaasunik atuisartunillu paasissutissiinissaq eqqarsaatigalugu. Quppernerullu nittartakkap imarisai aalajangiisuulluinnarput attaveqarnerup tamatuma attatiinnarnissaanut. Qupperneq nittartagaq soqutiginartinneqartuaannassaaq nutaarsiassatigut, attaveqarfittut adressitigut eqqortutigut, assitigut nutaatigut. Taamaattumik pr.gl maanna pilersinneqarpoq, pr.gl-illu pingaartitarilluinnarpaa: Imarisaq, imarisaq, imarisaq.